როდამ ჯანდიერი

დაბადების ადგილი: ქ. თბილისი.

დაამთავრა ვ. სარაჯიშვილის სახელობის თბილისის სახელმწიფო კონსერვატორია 1965 წელს (სავიოლინო).

1966 წლიდან არის თბილისის "ნიჭიერთა ათწლედის" და თბილისის სახელმწიფო კონსერვატორიის პედაგოგი (ვიოლინო), 2007 წლიდან ასოცირებული პროფესორი; ქართული რეპერტუარი: კონცერტები - გ. ბზვანელი (1969, პირველი შესრულება), რ. კემულარია (1970, პირველი შესრულება), ბალანჩივაძე პოემა ვიოლინოსა და სიმფონიური ორკესტრისათვის (1977, პირველი შესრულება), ა. მაჭავარიანი, ნ. გუდიაშვილი, მ. დავითაშვილი "პოემა" ვიოლინოსა და ორკესტრისათვის; კამერული ნაწარმოებები: ტ. ბაქრაძე სავიოლინო სონატა (1968, პირველი შესრულება), მ. დიაკვნიშვილი "ლირიკული ტრიპტიქი" (1988, პირველი შესრულება), ნ. გუდიაშვილი "პოემა", მისივე საფორტეპიანო ტრიო, რ. ათაბეგოვი სამი პიესა (1987, პიეველი შესრულება); სხვა რეპერტუარი, კონცერტები: 20-მდე, მათ შორის: ბახი a-moll და E-dur, ბეთჰოვენი, ბრამსი, გლაზუნოვი, ერნსტი, ვენიავსკი, კაბალევსკი, კონიუსი, მენდელსონი, მოცარტი, პაგანინი N2, პროკოფიევი N1, ჩაიკოვსკი, შოსტაკოვიჩი N1, ბეთჰოვენის ათივე სავიოლინო სონატის ესტრადაზე პირველი და დღესდღეობით ერთადერთი ქართველი შემსრულებელი; რესპუბლიკური კონკურსის I პრემიის (თბილისი, 1957) და ამიერკავკასიის მუსიკოს-შემსრულებელთა კონკურსის I პრემიის (ბაქო, 1960) მფლობელი. მევიოლინე, მოყვარული მხატვარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 595