ნიკოლოზ იაკოვენკო

დაბადების ადგილი: ქ. კრასნოდარი, რუსეთი.

1921 წლიდან ცხოვრობდა და მუშაობდა ბათუმში. სწავლობდა ლენინგრადის ფერწერის, ქანდაკებისა და არქიტექტურის ინსტიტუტში (2 კურსი, 1941). ნიკოლოზ იაკოვენკოს შემოქმედებაში მნიშვნელოვანი ადგილი ეკავა ომის თემას, ასევე ყოველდღიურობას, საბჭოთა ხალხის შრომას ("დასვენების წუთები", "ჩაის პლანტაციები", ორივე XX საუკუნის 60-იანი წლები; "პორტი", 1978). ამავე დროს მუშაობდა პორტრეტისა და პეიზაჟის ჟანრში ("ივანე ფრანკო", 1958; "ავტოპორტრეტი", XX საუკუნის 60-იანი წლები; "წვიმის შემდეგ", 1967; "მთები", 1979). მას გარკვეული წვლილი მიუძღვის აჭარის სამხატვრო სკოლის ჩამოყალიბებაში. მისი ნამუშევრები ინახება აჭარის ხ. ახვლედიანის სახელობის მუზეუმში. ფერმწერი.

წყარო: საქართველო: ენციკლოპედია: ტ. IV. -თბ., 2018. -გვ.161

• აჭარის დამსახურებული მხატვარი
• საქართველოს დამსახურებული მხატვარი