იესე ბატონიშვილი

ლევან კახთა მეფის ძე. 1556 წელს ირანისათვის ერთგულების დასამტკიცებლად ლევანმა შაჰ-თამაზთან გაგზავნა დიდი ძღვენით. შაჰმა იესე ბატონიშვილი მძევლად დაიტოვა და შეეცადა ლევანის საპირისპიროდ კახეთის ტახტზე მის აყვანას. 1559/60 წლებში იესე ბატონიშვილი გამაჰმადიანდა ისა-ხანის სახელით. მალე მან ისევ უარყო მაჰმადიანობა და გაქცევა დააპირა, მაგრამ შეიპყრეს და 1562 წლის 23 დეკემბერს ალამუთის ციხეში ჩასვეს.

წყარო: საქართველო: ენციკლოპედია: ტ. IV. -თბ., 2018. -გვ.205