ივანე II (ივანე ათაბაგი)

ჯაყელი, სამცხის გამგებელი, ათაბაგი 1391–1444 წლებში(ვახუშტის მიხედვით), ბექა II-ის ძე. თავდაპირველად საქართველოს მეფე გიორგი VII-სთან ერთად იბრძოდა თემურ-ლენგის წინააღმდეგ. დაახლოებით 1400–1401 წლებში განუდგა გიორგი VII-ს და დამპყრობელს დამორჩილდა. ცდილობდა სამცხისათვის მოეპოვებინა საეკლესიო დამოუკიდებლობა, მაგრამ წინ აღუდგა მცხეთის საპატრიარქო და მესხეთის საეპისკოპოსოთა დიდი ნაწილი. ივანე II-ის მისწრაფებას დამოუკიდებლობისაკენ ბოლო მოუღო ალექსანდრე I დიდის მტკიცე პოლიტიკამ. 1414 წელს მეფესთან ბრძოლაში(ასპინძასთან, კოხტასთავს) დამარცხდა და ტყვედ ჩავარდა. ალექსანდრე I-მა ერთგულების ფიცი დაადებინა და ათაბაგობა დაუბრუნა.

წყარო: ქართული საბჭოთა ენციკლოპედია: ტ:5.- თბ., 1980.- გვ.89;  საქართველო: ენციკლოპედია: ტ. IV. -თბ., 2018. -გვ.208