ვაჰრამ ფაფაზიანი

დაბადების ადგილი: ქ. სტამბოლი.

განათლება სტამბოლსა და ვენეციაში მიიღო. 1908-1914წწ. სწავლობდა მილანის სამხატვრო აკადემიაში.

სასცენო მაღვაწეობა 1902 წელს დაიწყო სტამბოლში. 1913-1915წწ. გამოდიოდა ბაქოსა და თბილისში სომხური დასების სპექტაკლებში; 1915-1922წწ. მოღვაწეობდა იტალიაში ე. დუზეს, ე. ცაკონის, ყ. რასოს და ე. ნოველის დასებში; 1922 წლიდან საბჭოთა სომხეთშია; გასტროლებს მართავდა საბჭოთა კავშირის სხვადასხვა ქალაქებში; 1912 წელს პარიზის თეატრ "ოდეონში" ითამაშა ოტელოსა და ჰამლეტის როლები; 1930-1940წწ. ეპიზოდურად გამოდიოდა ამიერკავკასიის, უკრაინისა და რსფსრ თეატრებში; 1941-1944წწ. იყო ლენინგრადის გორკის სახელობის და პუშკინის სახელობის თეატრების მსახიობი; 1954 წლიდან გარდაცვალებამდე ერევნის სუნდუკიანის სახელობის თეატრში მოღვაწეობდა. კლასიკურ დრამატურგიაში შექმნა ბრწყინვალე სახეები: ოტელო (1908), ჰამლეტი (1912), დონ-ჟუანი (ჟ. მოლიერის "დონ-ჟუანი", 1913), ოსვალდი (ჰ. იბსენის "მოჩვენებანი", 1920), არბენინი (მ. ლერმონტოვის "მასკარადი", 1917), პროტასოვი (ლ. ტოლსტოის "ცოცხალი ლეში", 1952) და სხვ. მის კალამს ეკუთვნის მემორიალური ნაშრომები: "მსოფლიოს თატრებში" (1917), "თვალის გადავლება წარსულზე" (1956, 1957წწ.), "ჩემი ოტელო" (1964).

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.6

• 1956 - სსრკ სახალხო არტისტი
• 1935 - სომხეთის სახალხო არტისტი
• 1935 - აზერბაიჯანის სახალხო არტისტი
• 1934 - საქართველოს სახალხო არტისტი

• დაკარგული სიმართლე : ჩინური ლეგენდა (ავტორი). - ტფილისი, შუამავალი-ს გამოცემა N2, 1906. - 8გვ.