დავით იაკობიძე

დაბადების ადგილი: ქ. საჩხერე.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1968 წელს.

1978–1982წწ. იყო საქართველოს ეკონომიკისა და მართვის ინსტიტუტში ფინანსებისა და ფასწარმოქმნის განყოფილების გამგე; 1982–1989წწ. საქართველოს სახალხო მეურნეობის მართვის ინსტიტუტის პოლიტიკური ეკონომიის კათედრის გამგე; 1989–1991წწ. სახალხო მეურნეობის დაგეგმვისა და მართვის ინსტიტუტის საბაზრო ეკონომიკის განყოფილების გამგე; 1993–1997წწ. საქართველოს ფინანსთა მინისტრი; 2000–2001 წლებში ხელმძღვანელობდა ადამიანის განვითარების პირობების შემსწავლელ სამეცნიერო ცენტრს, 2001–2003 წლებში მუშაობდა საქართველოს პრეზიდენტის კანცელარიაში მრჩევლად, 2006 წლიდან არის თსუ-ის, ხოლო 2013 წლიდან საქართველოს ტექნიკური უნივერსიტეტის პროფესორი. არის მრავალი სამეცნიერო ნაშრომის(მ. შ. მონოგრაფიების) და პუბლიცისტური წერილების ავტორი. მისი სამეცნიეო შრომები ეხება საქართველოს ეკონომიკური განვითარების საკითხებს გლობალიზაციის პირობებში, მისი ფუნქციონირების მაკროეკონომიკურ ამოცანებს და მათი გადაწყვეტის სპეციფიკის მექანიზმს. დავით იაკობიძე 1994–1997 წლებში მონაწილეობას იღებდა საქართველოს პირველი სახელმწიფო ბიუჯეტის ფორმირებაში, ეროვნული ფულადი ერთეულის – ლარის გამოშვებაში, საბუღალტრო აღრიცხვა-ანგარიშგებაში, ერთიანი საერთაშორისო სტანდარტების დანერგვაში, ეროვნული ხაზინისა და ზარაფხანის შექმნაში და სხვ. მისი ხელმოწერაა დამოუკიდებელი საქართველოს პირველ ეროვნულ ვალუტაზე – ლარზე. ეკონომიკის მეცნნიერებათა კანდიდატი (1976), პროფესორი (2013).

წყარო: საქართველო: ენციკლოპედია: ტ. IV. -თბ., 2018. -გვ.159

• 2014 - ქალაქ ჭიათურის საპატიო მოქალაქე

• გლობალური დინამიზმის ქართული სინამდვილე (ავტორი). - თბილისი, 2011. - 392გვ.
• საქართველო და მსოფლიო ფინანსური კრიზისი (ავტორი). - თბილისი, კომენტარი, 2009. - 248გვ.