ჯივანი

დაბადების ადგილი: სოფელი კარწახი, ჯავახეთი.

1000-ზე მეტი ლექს-სიმღერის ავტორია, ეკუთვნის აგრეთვე რამდენიმე ზღაპარი; მის შემოქმედებით თემატიკას შეადგენს სასიყვარულო ლირიკა("ო, მშვენიერო", "წყაროსთან", "დედა"), პატრიოტულ-დიდაქტიკური შინაარსი; მისი პოეზია ოპტიმისტურია; ძირითადად წერდა ტრადიციული აღმოსავლური პოეზიის ფორმებით; ეწეოდა პუბლიცისტურ მოღვაწეობას; 1882 წელს პირველად გამოსცა ლექსების კრებული ქ. ალექსანდრიაში; ჯივანის ლექსები თარგმნილია რუსულ და რიგ ევროპულ ენებზე; მისი მელოდიები ჩაწერეს: ქ. მ. ყარა-მურზამ, ნ. ფ. ტიგრანიანმა, მ. გ. ეკმალიანმა, კომიტასმა; თბილისში მოღვაწე სომეხი აშუღი, სახალხო მომღერალი; ასევე ცნობილია, როგორც სერგო ლევონიანი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 599