ალექსანდრე ჯიჯეიშვილი

დაბადების ადგილი: ქ. ფოთი.

ცეკვა შეისწავლა ქ. ფოთში არსებულ ცეკვის შემსწავლელ სტუდიაში(ხელმძღვანელი ვ. ალანია), მოგვიანებით - ი. სუხიშვილთან; 1932 წელს იყო ქ. ფოთის ეთნოგრაფიული გუნდის მოცეკვავე და ხელმძღვანელი; სხვადასხვა დროს აჭარის ასსრ სიმღერისა და ცეკვის ანსამბლის მოცეკვავე და ქორეოგრაფი; ცეკვების დადგმა: სოხუმის, ფოთის, ქობულეთის, ჩოხატაურის ქორეოგრაფიულ კოლექტივებში; წლების მანძილზე მუშაობდა მოსკოვში ქართული ხალხური ცეკვის სახალხო ანსამბლ "კოლხიდასა" და სტუდია "ივერიაში"; 1941-1945წწ. ომის პერიოდში ჩამოაყალიბა 25-კაციანი სიმღერისა და ცეკვის ანსამბლი, რომელიც ემსახურებოდა სასაზღვრო ზონის სამხედრო ნაწილებს, შავი ზღვის ფლოტის მეომრებს და ჰოსპიტლებს; 1937 წელს იყო მოსკოვში ქართული ხელოვნების დეკადის მონაწილე; ცეკვები: "დავლური", "ქართული", "მთიულური", "აფხაზური", "სვანური"; დადგმები: "ქალო ნარინჯიანო", "მეჩაიეთა ცეკვა", "თოჯინებით გასეირნება", "ყვავილებში დამეკარგე წითელქუდავ", "მე ია ვარ".

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 600

• 1990 - საქართველოს სახალხო არტისტი
• 1957 - საქართველოს დამსახურებული არტისტი
• 1948 - აჭარის დამსახურებული არტისტი