თამაზ ჯორბენაძე

დაბადების ადგილი: ქ. თბილისი.

დაამთავრა თბილისის მუსიკალური სასწავლებელი, პარალელურად კულტურისა და ლიტერატურის კურსები, ვ. სარაჯიშვილის სახელობის თბილისის სახელმწიფო კონსერვატორია 1977 წელს(საკომპოზიციო).

სხვადასხვა წლებში მუშაობდა მაუდკამბოლის "კულტურის კლუბის", ფოლკლორის სახელმწიფო ანსამბლ "თბილისის" ხელმძღვანელად; არაერთი საერთაშორისო ფესტივალის მონაწილე; მართავდა სოლო კონცერტებს ევროპის საკონცერტო დარბაზებში; მოგვიანებით(ე. ჭოხონელიძესთან ერთად) სათავეში ჩაუდგა ქართული ფოლკლორის ექსპერიმენტულ თეატრს; სიცოცხლის ბოლო წლებში ხელმძღვანელობდა მ. ფანიაშვილის სახელობის მუსიკალურ-პედაგოგიურ ინსტიტუტს, აგრეთვე, თანამშრომლობდა თბილისის ფილარმონიასა და საქართველოს კულტურის სამინისტროსთან; მის სიმღერებს ასრულებენ ცნობილი სოლისტები და ანსამბლები: "ცისფერი ტრიო", "ქართული ხმები", ჯგუფი "ფრანი", ირ. ჩარკვიანი, პ. ბურჭულაძე, თ. გვერდწითელი, თ. ჭოხონელიძე, თ. არჩვაძე, მ. როინიშვილი, ნ. მეტონიძე, რ. კუხიანიძე; თხზულებები: სიმფონიური, კამერულ-ინსტრუმენტული, საგუნდო, საესტრადო, საბავშვო ნაწარმოებები, მათ შორის: სიმფონიური პოემა "ლეგენდა", თემა ვარიაციებით საფორტეპიანო კვარტეტისათვის, საფორტეპიანო პიესები, გუნდები: "მუხა" შერეული გუნდისათვის(ტექსტი გ. ტაბიძის), "ვარსკვლავიანი კამარა ბრწყინავს"(ტექსტი გ. ტაბიძის), "მშვიდობა გაზაფხულს"(ტექსტი ჯ. მუჯირის); საესტრადო სიმღერები: "ზამთარია, სიცივე...", "საშობაო სიმღერა", "ბუხარი", "ჩუმად, ჩუმად...", "იასამნის ბაღი", "გაზაფხულზე ისევ მახსენდება", "ხე დაათოვს"(ტექსტი მ. სიმონიშვილის), "წერო", "დედა", რუსული რომანსი "საქართველო"; ქმნიდა მუსიკას დრამატული თეატრისა და კინოსათვის.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 600

• 1972 - ტელეკონკურს "ჩვენ ვეძებთ ტალანტებს" გამარჯვებული