გოჩა აბაშიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი თბოაირმომარაგება-ვენტილაციის სპეციალობით 1967 წელს.

1967-1968წწ. მუშაობდა რუსთავის ქიმბოჭკოს ქარხნის საამქროს ოსტატად; 1968 წლიდან საპროექტო ინსტიტუტ "საქქალაქმშენსახპროექტში" უფროსი ინჟინრის, ჯგუფის ხელმძღვანელის, მთავარი სპეციალისტის თანამდებობაზე; მონაწილეობდა ბიჭვინთის მწერალთა შემოქმედებითი სახლის, გორის კულტურის სახლის, თელავის დრამატული თეატრის, სახალხო მეურნეობის მიღწევათა საკავშირო გამოფენაზე ორანჟერიის, სოხუმის სამედიცინო-კიბერნეტიკული ცენტრის, არაორგანული ქიმიის ინსტიტუტის, ცხინვალის პედაგოგიური ინსტიტუტის, ექსპერიმენტული პათოლოგიის და თერაპიის ინსტიტუტის (სოხუმი), სახელმწიფო აგარაკ "ჩაიკას" (მიუსერა), საქართველოს პარლამენტის შენობის, ნევროლოგიის ინსტიტუტისა და სხვა ობიექტების ვენტილაცია-კონდიცირების სისტემებისა და სამაცივრო დანადგარების პროექტების დამუშავებაში; წლების განმავლობაში მოღვაწეობდა საქართველოს პოლიტექნიკური ინსტიტუტის თბოაირმომარაგებისა და ვენტილაციის კათედრაზე; არის მრავალი კვალიფიციური სპეციალისტის აღმზრდელი; მუშაობს მახათას მთაზე მშენებარე ივერიის ღვთისმშობლის ხატის სახელობის სამონასტრო კომპლექსის სპეციალიზებული სამუშაოების ხელმძღვანელად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.27