არჩილ ავალიშვილი

დაბადების ადგილი: ქ. თბილისი.

თბილისის სათავადაზნაურო სკოლის დამთავრების შემდეგ სწავლობდა თბილისის მე-3 გიმნაზიაში. ხალხოსნური იდეებით გატაცებულმა, დაიწყო სახალხო მასწავლებლობა, ჯერ სოფელ კარდანახში, შემდეგ კი ვლადიკავკაზში წერა-კითხვის გამავრცელებელ ქართულ სკოლაში, პარალელურად მართავდა წარმოდგენებს; 1895 წელს გამოდიოდა ავჭალის აუდიტორიის სცენაზე; 1903-1907წწ. სწავლობდა სორბონის უნივერსიტეტის საბუნებისმეტყველო ფაკულტეტზე; პარიზიდან დაბრუნების შემდეგ მსახურობდა ჯერ მასწავლებლად, შემდეგ კი სხვადასხვა დაწესებულებებში; იყო ერთ-ერთი ინიციატორი ქუთაისის დრამატული საზოგადოების დაარსებისა, 1909-1911წწ. არჩეული იყო ამავე საზოგადოების გამგეობის წევრად; ქართულ პრესაში აქვეყნებდა რეცენზიებს ფსევდონიმით "არავინ" და "სკამი N24"; თარგმნა შემდეგი პიესები: სოფოკლეს "ოიდიპოს მეფე", მეტერლინკის "და ბეატრისა", ა. ოსტროვსკის "ვასილისა მელენტიევა"; ზოგიერთი მისი თარგმანი ცნობილია ფსევდონიმით "ა-ლი".

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.23