კონსტანტინე აბესაძე

დაბადების ადგილი: ქ. ქუთაისი.

დაამთავრა თბილისის სახელმწიფო ინდუსტრიული ინსტიტუტი ინჟინერ-არქიტექტორის კვალიფიკაციით 1942 წელს.

1942 წელს მუშაობა დაიწყო შინაგან საქმეთა სახალხო კომისარიატის სპეციალიზებულ მშენებლობებზე (გზები, ხიდები, აეროდრომები) უბნის უფროსად; 1946-1949წწ. მუშაობდა საქართველოს მშენებლობის სამინისტროს N4 სამშენებლო ტრესტის უფროს სამუშაოთა მწარმოებლად ავტოქარხნის მშენებლობაზე; 1949-1951წწ. სამშენებლო-სამონტაჟო ტრესტ "საქკვებმშენის" N2 სამშენებლო სამმართველოში - მთავარ ინჟინრად; 1952-1969წწ. N4 სამშენებლო ტრესტის N4 სამშენებლო სამმართველოში - მთავარ ინჟინრად, უფროსად; 1969-1973წწ. N4 სამშენებლო ტრესტის მმართველად; 1974-1977წწ. ხაშურის N9 სამშენებლო-სარემონტო ტრესტის N1 სამმართველოს უფროსად; 1977-1985წწ. ხელმძღვანელობდა სამშენებლო გაერთიანება "საქკოლმშენის" ხაშურის სამშენებლო ორგანიზაციას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.30-31

• საქართველოს დამსახურებული ინჟინერი