მანუჩარ აბესაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1971 წელს.

შრომითი ბიოგრაფია დაკავშირებული იყო საქართველოს მშენებლობის სამინისტროს N13 სამშენებლო ტრესტის N4 სამმართველოსთან; განვლო ყველა სამსახურებრივი საფეხური სამუშაოთა მწარმოებლიდან სამმართველოს უფროსამდე; მისი ხელმძღვანელობითა და მონაწილეობით აშენდა: თბილისის სახელმწიფო უნივერსიტეტის სასტუმრო უცხოელი სპეციალისტებისათვის, თბილისის სავაჭრო ცენტრი, საჯარო ბიბლიოთეკის წიგნსაცავი, რიტუალების სასახლე, ფიზიოლოგიის სამეცნიერო კვლევითი ინსტიტუტი, უროლოგიური საავადმყოფო, კინოთეატრები, სკოლები, ბაგა-ბაღები, სპორტული კომპლექსები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.31