მიხეილ კუსიანი

დაბადების ადგილი: სოფელი მერჯევი, საჩხერის რაიონი.

საჩხერის საშუალო სკოლის დამთავრების შემდეგ სწავლობდა ჭიათურის მუშფაკში.

1922-1929წწ. მუშაობდა ჭიათურის თეატრში სცენის მემანქანედ; 1930 წლიდან ამავე თეატრის მსახიობია. მის მიერ შესრულებული როლებიდან აღსანიშნავია: ფონ-კაუფმანი (ნ. შიუკაშვილის "სულელი"), დათო (ა. სუმბათაშვილის "ღალატი"), სიმონი (გ. ქელბაქიანის "შესაფერი ჯილდო"), სერგეი პეტროვიჩი (ი. მოსაშვილის "სადგურის უფროსი"), ნესტორი (ვ. გუნიას "აღლუმი"), ვიქტორი (ტ. რამიშვილის "სტუმარ-მასპინძლობა"), მალხაზი (შ. დადიანის "გუშინდელნი"), ივანოვი (კ. სიმონოვის "ასეც იქნება"), კოჩინი (ძმ. ტურებისა და შეინინის "პირისპირ") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.28

• 1961 - საქართველოს დამსახურებული არტისტი