მიხეილ აბზიანიძე

დაბადების ადგილი: ხონის რაიონი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1954 წელს.

1947-1950წწ. მუშაობდა ქუთაისის საავტომობილო ტექნიკუმის ლაბორანტად; 1954-1957წწ. ლაჯანურჰესის მშენებლობის საწარმოო-ტექნიკური განყოფილების ინჟინრად, უფროს ინჟინრად, უფროსის მოადგილედ; 1957-1958წწ. ლაჯანურჰესის კაშხლის მშენებლობის სამუშაოთა მწარმოებლად, უფროს სამუშაოთა მწარმოებლად, უბნის უფროსად; 1958-1963წწ. ლაჯანურჰესის თაღოვანი კაშხლის მშენებლობის კვანძის უფროსად; 1963-1975წწ. იყო ენგურჰესის მშენებლობის თაღოვანი კაშხლის სამშენებლო სამმართველოს უბნისა და საწარმოო-ტექნიკური განყოფილების უფროსი, მთავარი ინჟინრის მოადგილე; 1975-1982წწ. მშენებარე ენგურის ჰესების კასკადის დირექტორის მოადგილე; 1982 წლიდან მშენებარე ხუდონჰესის დირექტორი; დანერგილი აქვს მრავალი რაციონალიზატორული წინადადება; დაჯილდოებულია მედლებით და ორი საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.31; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2010.- გვ. 10

• ღირსების ორდენი
• საქართველოს დამსახურებული ინჟინერი