მარკ ზლატკინი

დაბადების ადგილი: სოფელი გოროდოვკა, ახლანდელი დონეცკის ოლქი, უკრაინა.

1925 წელს რუსეთიდან მოავლინეს თბილისში ცენტრალური გამომცემლობების "იზვესტიის", "პრავდის" და "ტრუდის" ამიერკავკასიის განყოფილების გამგედ. იყო გამომცემლობა "ზარია ვოსტოკას" დირექტორი, 1963 წლიდან–გამომცემლობა "მერანის" რუსულ გამოცემათა რედაქციის მთავარი რედაქტორი, 1985 წლიდან–ამ გამომცემლობის მთავარი კონსულტანტი. მარკ ზლატკინი ქართული ლიტერატურის პოპულარიზატორი იყო. ავტორია ორიგინალური ჟანრის თხზულებისა "როცა წიგნი ხალხებს აახლოებს"(რუს. ენაზე, 1972, 1979), რომელიც თავისებური მატიანეა 20–70-იანი წლების ლიტერატურული მოვლენებისა. 1983 წელს რუსულ და 1986 წელს ქართულ ენაზე გამოვიდა  მისი წიგნი "მათი მოსაგონარი ჩანახატები",  რომელშიც მოცემულია ა. აბაშელის, კ. გამსახურდიას, ნ. ტიხონოვის, ლ. გუდიაშვილის, ვ. გოლცევის, ბ. ჟღენტის, ნ. ზაბოლოცკის, გ. ლეონიძის, მ. მრევლიშვილის, ლ. კალანდაძის, შ. ნუცუბიძის, კ. სიმონოვის, დ. შენგელაიას ლიტერატურული სახეები. გამომცემლობის მუშაკი. მიღებული აქვს სახელმწიფო ჯილდოები. (გარდაიცვალა ისრაელში).

წყარო: საქართველო: ენციკლოპედია: ტ.III.–თბ., 2014.-გვ.372; zlatkintours.ru

• საპატიო ნიშნის ორდენი
• შრომის წითელი დროშის ორდენი

• მათი მოსაგონარი : ჩანახატები (ავტორი). - თბილისი, მერანი, 1986. - 133გვ.
• როცა წიგნი ხალხებს აახლოებს : ეპისტოლარული წერილები (ავტორი). - თბილისი, მერანი, 1975. - 242გვ.