თენგიზ აბუსერიძე

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1972 წელს.

სხვადასხვა დროს მუშაობდა საქართველოს მშენებლობის სამინისტროს N2 სამშენებლო ტრესტში, ხორცისა და რძის მრეწველობის სამინისტროს სპეციალიზებულ სამშენებლო სამმართველოში, გაერთიანება "თბილქალაქმშენის" მიწისქვეშა სამუშაოების ტრესტში, საქართველოს ფიზკულტურისა და სპორტის სახელმწიფო კომიტეტის სამშენებლო სამმართველოს მთავარ ინჟინრად, სამმართველოს უფროსად, ცეკავშირის სამშენებლო სამმართველოს უფროსად, სამშენებლო ტრესტის მმართველად, შპს "მერცხლის" პრეზიდენტად; მისი მონაწილეობით შესრულდა გარე ქსელებისა და კეთილმოწყობის სამუშაოები ქ. თბილისის გლდანის, ვაზისუბნისა და ვარკეთილის მიკრორაიონებში; აიგო წყალსადენი და გადასასვლელი ხიდი დუშეთის რაიონის სოფელ გიორგიწმინდაში, სინთეტიკური და მწვანესაფარიანი საფეხბურთო სტადიონები - თბილისში, ლესელიძესა და გრიგოლეთში; წყალსათხილამურო კომპლექს "მალთაყვას" ელექტროტაბლო - ფოთში, "მერსედეს-ბენცის" მაღაზია-სალონი - ქ. თბილისში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.34