გურამ ადამია

დაბადების ადგილი: ქ. ფოთი.

დაამთავრა ქ. ოდესის საზღვაო-საინჟინრო ინსტიტუტის ჰიდროტექნიკურ ნაგებობათა ფაკულტეტი, საზღვაო ნავსადგურებისა და შემოსასვლელი არხების მშენებლობის სპეციალობით 1973 წელს.

1973-1980წწ. მუშაობდა ფოთის საზღვაო ნავსადგურში - მშენებელ ინჟინრად; 1980-1985წწ. საქართველოს მშენებლობის სამინისტროს ფოთის N5 სამშენებლო სამმართველოს უფროსად; 1985-1986წწ. ფოთის საზღვაო ნავსადგურის მთავარ ინჟინრად; 1986-1992წწ. საქართველოს სოფლის მეურნეობის სამინისტროს N2 სამშენებლო-სარემონტო ტრესტის მმართველოს მოადგილედ; 1992-1999წწ. ფოთის საზღვაო ნავსადგურის განვითარება-რეკონსტრუქციის მთავარ ინჟინრად; 1999 წლიდან შავი ზღვის ყულევის ტერმინალის მშენებლობის მთავარი ინჟინერი და სამშენებლო დეპარტამენტის უფროსი იყო; ხელმძღვანელობდა ფოთის საზღვაო ნავსადგურის N 1, 2, 6, 7, 8 ნავსადგომების მშენებლობასა და სანავსადგურო რკინიგზის რეკონსტრუქციას, ფოთის ნავსადგურის საბორნე გადასასვლელის, რკინაბეტონის, გემთმშენებელი ქარხნების რეკონსტრუქციასა და საამქროების მშენებლობას, ასევე, მრავალსართულიანი საცხოვრებელი სახლების, სკოლების, საბავშვო ბაღებისა და სხვა ობიექტების მშენებლობას ქ. ფოთში. არის მრავალი რაციონალიზატორული წინადადების ავტორი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.36; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.129

• 1999 - ღირსების ორდენი
  საქართველოს სატრანსპორტო სისტემის განვითარებაში შეტანილი პირადი დიდი წვლილისა და ფოთის სარკინიგზო-საბორნე გადასასვლელის მშენებლობის დროს გამოჩენილი მაღალი პროფესიონალიზმისათვის