გუჯა ავალიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1961 წელს.

სხვადასხვა დროს იყო სსრკ მიმოსვლის გზათა სამინისტროს N9 საგზაო-სარემონტო მექანიკური ქარხნის მშენებელი ინჟინერი და სატრანსპორტო მშენებლობის სამინისტროს უფროსი ლაბორანტი, საპროექტო-საკონსტრუქტორო ბიუროს უმცროსი მაცნიერ-თანამშრომელი; 1978-1985წწ. მუშაობდა სამშენებლო ტრესტ "საქჰიდროენერგომშენის" და "ჟინვალჰესის" სამშენებლო სამმართველოების უფროსის მოადგილედ; 1985 წლიდან იყო კონცერნ "საქგვირაბმშენის" ვიცე-პრეზიდენტი და დეპარტამენტის ხელმძრვანელი; წლების განმავლობაში იყო საქართველოს პოლიტექნიკური ინსტიტუტის საავტომობილო გზების ფაკულტეტის ლექტორი; მისი მონაწილეობით აშენდა ჟინვალის კომპლექსურიჰიდროკვანძი, წმ. სამების საკათედრო ტაძარი თბილისში, კავკასიის საუღელტეხილო გზების ნაწილი, ქსნის მინისტარის ქარხანა, თბილისის აეროპორტის პირველი კატეგორიის საავტომობილო გზა და სხვა საინჟინრო ნაგებობები ტექნიკურ მეცნიერებათა კანდიდატი, 20-მდე სამეცნიერო ნაშრომის (ჰიდროგეოლოგიაში), სახელმძღვანელოს და რამდენიმე გამოგონების ავტორი; მიღებული აქვს სრულიად საქართველოს კათოლიკოს-პატრიარქის, უწმინდესისა და უნეტარესის - ილია II-ის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.38-39

• საქართველოს დამსახურებული ინჟინერი

• მცირე ხიდები საავტომობილო გზებზე : სახელმძღვ. ტექნ. უნ-ტის სტუდ. (ავტორი). - თბილისი, 1994. - 248გვ.