ალექსანდრე შანიძე

დაბადების ადგილი: სოფელი ზემო ნოღა, სამტრედიის რაიონი.

დაამთავრა თბილისის სახელმწიფო უნივერსიტეტი 1932 წელს. 

1926-1929წწ. მუშაობდა წერა-კითხვის სალიკვიდაციო სკოლის მასწავლებლად; 1932-1939წწ. იყო ქ. თბილისის კ. მარქსის სახელობის სახელმწიფო საჯარო ბიბლიოთეკის მასობრივი განყოფილების გამგე, შემდეგ - განსახკომის ბიბლიოთეკათმცოდნეობისა და სარეკომენდაციო ბიბლიოგრაფიის რესპუბლიკური სამეცნიერო-მეთოდური კაბინეტის მეთოდისტი. 1941 წელს გაიწვიეს მეორე მსოფლიო ომში. 1945 წელს დემობილიზებული იყო, როგორც ომის ინვალიდი. შემოქმედებითი მუშაობა 1924 წელს დაიწყო. პირველი წიგნი "ლექსები" 1928 წელს გამოაქვეყნა. ეკუთვნის ძირითადი პოეტური კრებულები: "მეჩვიდმეტე" (1934), "ლექსები" (1937), "საბრძოლო სიმღერები" (1943), "სიყვარულმა მათქმევინა" (1955), "გულისნადები" (1962), "რაც მინატრია" (1967), "სახატე მზის და ვარდისა" (1975), "ნატვრისთვალი" (1977), "არდავიწყება" (1980). მისი ლექსები თარგმნილია რუსულ, სომხურ, აზერბაიჯანულ, ბელორუსულ ენებზე. კითხულობდა ლექციებს ქართულ ლიტერატურისა და ფოლკლორის საკითხებზე. მიღებული აქვს მთავრობის ჯილდოები.

წყარო: ქართული საბჭოთა ენციკლოპედია: ტ.10-თბ., 1986.- გვ. 683; ქართველი პოეტები: ენციკლოპედია/შეადგინა ალექსანდრე ელერდაშვილმა.- თბ.,2021.-გვ.341; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.289-290

• სკკპ, წევრი (1939-)

• საქართველოს კულტურის დამსახურებული მოღვაწე

• მწუხრი ივერიისა : ლექსები (ავტორი). - თბილისი, მერანი, 1995. - 80გვ.
• ვარსკვლავეთის სავანე : ლექსები (ავტორი). - თბილისი, ნაკადული, 1989. - 46გვ.
• დაბინდებამდე : ლექსები (ავტორი). - თბილისი, საბჭ. საქართველო, 1988. - 274გვ.
• სიყვარულმა მათქმევინა : ლექსები (ავტორი). - თბილისი, საბჭ. მწერალის გამ-ბა, 1955. - 108გვ.
• მეჩვიდმეტე (ავტორი). - ტფილისი, სოცკულტურის გამ-ბა, 1934. - 38გვ.
• ტემპი და ხალისი : ლექსები (ავტორი). - ტფილისი, საზ. წერა-კითხვა-ს გა-მა, 1932. - 51გვ.