ამირან ალავიძე

დაბადების ადგილი: სოფელი საირმე, ცაგერის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1967 წელს.

1967-1975წწ. მუშაობდა სამეცნიერო კვლევით ინსტიტუტ "სოფტექმიკაში" - სამუშაოთა მწარმოებლად, საგეგმო განყოფილების უფროსად; 1975-1977წწ. საქართველოს მშენებლობის სამინისტროს სამშენებლო-სამონტაჟო გაერთიანება "სპეცმშენში" - საწარმოო განყოფილების უფროსის მოადგილედ, სახარჯთაღრიცხვო განყოფილების უფროსად; 1977-1979წწ. საქართველოს მშენებლობის სამინისტროს N4 სამშენებლო ტრესტში - სახარჯთაღრიცხვო-სახელშეკრულებო განყოფილებისა და მოპირკეთების სამმართველოს უფროსად; 1979-1983წწ. ტრესტის მმართველის მოადგილედ ეკონომიკის დარგში; 1983-1992წწ. ტრესტ "მშენინდუსტრიის" რკინაბეტონის N2 ქარხნის დირექტორად; 1992-1995წწ. სამრეწველო-კომერციული ფირმა "ქუთაისმშენის" დირექტორის მოადგილე ეკონომიკის საკითებში; 1995 წელს დაინიშნა სააქციო საზოგადოება "ქუთმშენის" დირექტორად, შემდგომ სააქციო საზოგადოების პრეზიდენტია; მონაწილეობდა რეზინის ტექნიკურ ნაკეთობათა და ელექტრო-მექანიკური ქარხნების, ქარხანა "ავანგარდის", საყოფაცხოვრებო და ჯანდაცვის ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.41