გიორგი ალავიძე

დაბადების ადგილი: სოფელი იგორეთი, ხარაგაულის რაიონი.

დაამთავრა მოსკოვის წყალთა მეურნეობის ინჟინერთა ინსტიტუტი 1934 წელს.

1934-1941წწ. მუშაობდა საპროექტო ინსტიტუტ "ჰიდროენერგოპროექტის" თბილისის განყოფილებაში - მმართველის მოადგილედ, მმართველად; 1941-1955წწ. ეკავა სხვადასხვა საპასუხისმგებლო თანამდებობა; იყო საქართველოს კომპარტიის ცენტრალური კომიტეტის მდივანი სათბობ-ენერგეტიკის დარგში, საქართველოს კომუნალური მეურნეობის სახალხო კომისარი, საქართველოს სახელმწიფო საგეგმო კომიტეტის თავმჯდომარე, კვების მრეწველობის მინისტრი, ხორცისა და რძის მრეწველობის მინისტრის მოადგილე მშენებლობის დარგში, საქართველოს საშენ მასალათა მრეწველობის მინისტრის მოადგილე; 1955 წელს დაინიშნა "ხრამჰეს N2"-ის მშენებლობის უფროსად, 1958 წელს - სამშენებლო-სამონტაჟო ტრესტ "საქჰიდროენერგომშენის" თბილისის დამხმარე საწარმოთა კომბინატის დირექტორად; 1970-1978წწ. მუშაობდა ტრესტ "საქჰიდროენერგომშენის" სახარჯთაღრიცხვო განყოფილებისა და საგეგმო განყოფილების უფროსის მოადგილედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.41

• სამამულო ომის III ხარისხის ორდენი
• შრომის წითელი დროშის ორდენი
• საქართველოს დამსახურებული ინჟინერი