ნოდარ ამაშუკელი

დაბადებიდ ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1967 წელს.

მუშაობდა საქართველოს მშენებლობის სამინისტროს სისტემაში: სამუშაოთა მწარმოებლად, სამშენებლო სამმართველოს უფროსად, საქართველოს მშენებლობის სამინისტროს N2 სამშენებლო ტრესტის მთავარ ინჟინრად, მმართველად, საქართველოს მშენებლობის მინისტრის მოადგილედ; 1997 წელს დაინიშნა მინისტრის მრჩევლად; უშუალოდ მონაწილეობდა და ხელმძრვანელობდა არაერთი უმნიშვნელოვანესი ობიექტის მშენებლობას. მათ შორისაა: საქართველოს კპ ცენტრალური კომიტეტის ყოფილი ადმინისტრაციული შენობა, თბილისის სახელმწიფო უნივერსიტეტის ახალი კომპლექსი, გრამფირფიტების ჩამწერი სტუდია "მელოდია", ქორწინების სასახლე, თერაპიის ს/კ ინსტიტუტი, სეფსისის ცენტრი, მცენარეთა დაცვის ს/კ ინსტიტუტი (თბილისში); მთავრობის დასასვენებელი კომპლექსი (მიუსერაში), ღვინის ქარხანა (ოკამში), წყალსათხილამურო კომპლექსი "მალთაყვა" (ფოთში) და სხვა; 1991-1992წწ. კურირებდა საქართველოს მიწისძვრის შედეგად დაზიანებული შენობა-ნაგებობების აღდგენას.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.44-45; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.266

• 1998 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი