კონსტანტინე I (კახეთის მეფე)

ალექსანდრე I-ის ძე, ბავშვობიდან ირანში, შაჰის კარზე იზრდებოდა, სადაც გამაჰმადიანდა კიდეც. შაჰ აბას I-მა საგამგებლოდ შირვანი უბოძა და ჯარით კახეთში დააბრუნა. მას შაჰის დავალებით შირვანი ოსმალეთისგან უნდა გაენთავისუფლებინა და თვითონ დაეჭირა. კონსტანტინემ კახელებს შირვანზე გალაშქრება მოსთხოვა, მაგრამ ალექსამდრე I სპარსეთ-ოსმალეთის შესაძლო შედეგს ითვალისწინებდა და ომისგან თავს იკავებდა. ამით უკმაყოფილო კონსტანტინემ შაჰ აბას I-ის დავალებითა და სპარსელების დახმარებით მისივე კარავში მოკლა მამა-ალექსამდრე I, ძმა-გიორგი, რამდენიმე კახი დარბაისელი და თავი მეფედ გამოაცხადა. ხალხმა იგი მეფედ არ მიიღო, აჯანყდნენ და მოკლეს. დაბადების თარიღი დაუზუსტებელია.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 642; საქართველო: ენციკლოპედია: ტ.5. -თბ.,2023. -გვ. 155