კონსტანტინე ამირეჯიბი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1973 წელს, 1979 წელს კი - მოსკოვის ცენტრალური დაგეგმარების ინსტიტუტის ასპირანტურა.

წლების განმავლობაში ეწეოდა პედაგოგიურ მოღვაწეობას; არის არქიტექტურის მეცნიერებათა კანდიდატი, პროფესორი, 30-მდე გამოქვეყნებული სამეცნიერო ნაშრომის ავტორი; ხელმძღვანელობს საქართველოს ტექნიკური უნივერსიტეტის დიზაინის კათედრას; მისი ძირითადი ნამუშევრებია: კურორტ არჩმანისა (1973) და ბარისახოს გენერალური გეგმები (1974), სოხუმის დ/ს "იუპიტერის" რეკონსტრუქცია (1975), 50-ადგილიანი სასტუმრო ბაკურიანში (1989), რესტორანი "ევროპა" თბილისში (1993), საქართველოს ოლიმპიური კომიტეტის მუზეუმი (1994); სხვადასხვა დროს მონაწილეობდა კონკურსებში: რიყის განაშენიანება (1984, II პრემია), ერთბინიანი საცხოვრებელი სახლი (მოსკოვი, 1977, ჟიურის სპეციალური პრემია), თბილისში რეკლამის განთავსების კონფერენცია (1998, I პრემია).

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.45

• საქართველოს არქიტექტორთა კავშირი, წევრი (1985-)
• საქართველოს არქიტექტურულ-იურიდიული კავშირი, პრეზიდენტი