თემურ ამყოლაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს, მოგვიანებით - საქართველოს მეცნიერებათა აკადემიის ენერგეტიკისა და ჰიდროტექნიკურ ნაგებობათა ს/კ ინსტიტუტის ასპირანტურა.

მუშაობდა საქართველოს კვების მრეწველობის საპროექტო და საქართველოს მეცნიერებათა აკადემიის ენერგეტიკისა და ჰიდროტექნიკურ ნაგებობათა ს/კ ინსტიტუტებში მეცნიერ-თანამშრომლად, საქართველოს პოლიტექნიკურ ინსტიტუტში დოცენტად (1977 წლიდან), 1991 წლიდან საერო ინსტიტუტ "გაენათში" კათედრის გამგედ და ფაკულტეტის დეკანად; 1992-1997წწ. პრორექტორად სასწავლო დარგში; საქართველოს ტექნიკური უნივერსიტეტის პროფესორია; მონაწილეობდა არაერთი მნიშვნელოვანი ობიექტის, მათ შორის - ვიეტნამის ჩაის ფაბრიკის დაპროექტებაში, ენგურის თაღოვანი კაშხლის სამუშაოთა მეცნიერულ კვლევაში; არის ტექნიკის მეცნიერებატა კანდიდატი, 25-მდე სამეცნიერო და სასწავლო-მეთოდური ნაშრომის ავტორი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.47