აშოტ ქაჯვორიანი

დაბადების ადგილი: ქ. ახალციხე.

1926 წელს დაამთავრა თბილისის 76-ე შრომის სკოლა. 1927 წელს სწავლა განაგრძო ერევნის უნივერსიტეტის ფილოლოგიის ფაკულტეტზე, რომელიც არ დაუმთავრებია.

1928-1929 წლებში მუშაობდა ლენინაკანის თეატრში, პარალელურად სწავლობდა სომხეთის მეორე სახელმწიფო თეატრთან არსებულ დრამატულ სტუდიაში. 1929 წლიდან იყო თბილისის ს. შაუმიანის სახელობის სომხური თეატრის მსახიობი. მის მიერ შესრულებული როლებიდან აღსანიშნავია: კლავდიუსი, იაგო(შექსპირის "ჰამლეტი", "ოტელო"), დე სილვა(კ. გუცკოვის "ურიელ აკოსტა"), მსახიობი(მ. გორკის "ფსკერზე"), ოთარ-ბეგი(ა. სუმბათაშვილის "ღალატი"), აბდულ-სადეხი(ი. მოსაშვილის "ჩაძირული ქვები"), არკადი(ა. კორნეიჩუკის "პლატონ კრეჩეტი"), კოშკინი(კ. ტრენიოვის "ლუბოვ იაროვაია"), მუხტარ ბეგი(ს. ვურღუნის "ხანლარი"), პოდკოლიოსინი(ნ.გოგოლის "ქორწინება"), ზიმზიმოვი(გ. სუნდუკიანის "პეპო"), მაქსიმილიან მოორი(ფ. შილერის "ყაჩაღები") და სხვ. აშოტ ქაჯვორიანი ავტორია პიესებისა: "ქაოსი", "დავით ბეგი", "სიყვარულის გაზაფხული", "არტისტი", "ძალადობის ბრჭყალები" და სხვ. სომხურად თარგმნა პიესები: კ. გუცკოვის "ურიელ აკოსტა", მ. ლერმონტოვის "მასკარადი", ნ. გოგოლის "ქორწინება", ფ. შილერის "ყაჩაღები", ვ. შკვარკინის "სხვისი ბავშვი", ლ. ლეონოვის "შემოსევა" და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.17

• 1958 - საქართველოს დამსახურებული არტისტი