ალექსანდრა სიხარულიძე

დაბადების ადგილი: ქ. თბილისი.

დაამთავრა თბილისის ქალთა მე-5 გიმნაზია. 1923-1925წწ. სწავლობდა დაამთავრა აკ. ფაღავას დრამატულ სტუდია 1925 წელს.

სტუდიის დამთავრების შემდეგ მსახიობად დატოვეს შოთა რუსთაველის სახელობის თეატრში (1925-1926); სხვადასხვა წლებში მუშაობდა ბათუმის (1926-1927), თბილისის მოზარდ მაყურებელთა ქართულ (1927-1928), სოხუმის (1929-1931), თელავის (1931-1932), ჭიათურის (1928-1929; 1932-1937), შოთა რუსთაველის სახელობის (1938-1963) თეატრებში; ძირითადად სახასიათო მსახიობი იყო; მის მიერ შესრულებული როლებიდან აღსანიშნავია: მართა (ა. შანშიაშვილის "არსენა"), ისახარი (ა. სუმბათაშვილის "ღალატი"), შამანდუხი (ი. მოსაშვილის "ჩაძირული ქვები"), აგრაფინა (შ. დადიანის "გუშინდელნი"), დარეჯანი (მ. მრევლიშვილის "ბარათაშვილი"), სანდუხტი (ნ. შიუკაშვილის "ამერიკელი ძია"), ფატი (ნ. ნაკაშიძის "ვინ არის დამნაშვე?"), სალომე (ი. ჭავჭავაძის "გლახის ნაამბობი"), მთვარისა (ლ. ქიაჩელის "ტარიელ გოლუა"), მარინე (ს. კლდიაშვილის "შემოდგომის აზნაურები"), კირილოვნა (ვ. სოლოვიოვის "დიდი ხელმწიფე"), ქსენია (ბ. ლავრენიოვის "რღვევა"), ანუშკა (ა. ოსტროვსკის "უდანაშაულო დამნაშავენი"), ტავერნის დიასახლისი (ჯ. ფლეტჩერის "ესპანელი მღვდელი"), პასკვალა (ლოპე დე ვეგას "ცხვრის წყარო") და სხვ.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.43; საიუბილეო თარიღები : თეატრი, მუსიკა, კინო.- თბ., 2008.- გვ.63

• 1960 - საქართველოს დამსახურებული არტისტი