ალექსანდრე შატილოვი

დაბადების ადგილი: ქ. თბილისი.

დაამთავრა დერპტის (ესტონეთი) უნივერსიტეტის სამედიცინო ფაკულტეტი 1897 წელს.

1888 წლიდან სწავლობდა მოსკოვის უნივერსიტეტის სამედიცინო ფაკულტეტზე. 1888-1889წწ. სტუდენტთა რევოლუციურ მოძრაობაში მონაწილეობისთვის დააპატიმრეს და უნივერსიტეტიდან გარიცხეს. 1898-1901წწ. თბილისში ხელმძღვანელობდა მუშათა საზოგადოების წრეს. როგორც რსდმპ თბილისის კომიტეტის წევრი 1898-1900წწ. იყო თბილისის რკინიგზის მთავარი სახელოსნოების მუშათა გაფიცვის ერთ-ერთი ხელმძღვანელი. მუშაობდა ექიმად ბათუმში;  1912 წელს ბათუმის საზოგადოების ორგანიზაციის კრებაზე დააპატიმრეს. 1933-1947წწ. განაგებდა თბილისის სამედიცინო ინსტიტუტის თვალის სნეულებათა კათედრას. შეისწავლიდა თვალის ტუბერკულოზის, მხედველობის ნერვის დაავადების საკითხებს და სხვა. ოფთალმოლოგი, მედიცინის მეცნიერებათა დოქტორი (1933); პროფესორი (1933). ოფთალმოლოგ ტატიანა შატილოვას მამა.

წყარო: ქართული საბჭოთა ენციკლოპედია: ტ.10-თბ., 1986.-გვ.693; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.617

• რსდმპ თბილისის კომიტეტი, წევრი
• საქართველოს ოფთალმოლოგთა სამეცნიერო საზოგადოება, თავჯდომარე (1933-1949)

• 1941 - საქართველოს დამსახურებული ექიმი