აკაკი ყურაშვილი

დაბადების ადგილი: სოფელი ნაკერალეში, ცაგერის რაიონი.

დაამთავრა ქუთაისის მუშფაკი 1935 წელს. 1936-1938 წლებში სწავლობდა ქუთაისის პედაგოგიურ ინსტიტუტში, რომელიც არ დაუმთავრებია.

1938-1948 წლებში იყო ქუთაისის ლადო მესხიშვილის სახელობის თეატრის მსახიობი. 1948 წელს მუშაობდა ქუთაისის რაიონული კულტურის სახლთან არსებულ დრამწრეში, ხოლო 1952 წელს ქუთაისის თოჯინების თეატრში მსახიობად. მის მიერ შესრულებული როლებიდან აღსანიშნავია: დავითი(გ. ნახუცრიშვილის და ბ. გამრეკელის "ლადო კეცხოველი"), დესპანი(ი. გედევანიშვილის "სინათლე"), ბეკინა(დ. კლდიაშვილის "სამანიშვილის დედინაცვალი"), ვაჭარი და ოფიცერი(ქ. ხაფავას "ურჩი გია"), დავითი(ი. ჭავჭავაძის "კაცია-ადამიანი"), არტემა ვაჭარი(ო. თუმანიანის "გიქორი"), გულივერი(ჯ. სვიფტის "გულივერის მოგზაურობა"), ტყის მეფე(გ. კუხიანიძის "ბიჭები ეძებენ გაზაფხულს"), ჰერაკლე(ბ. ნარეკლიშვილის "ჰერაკლეს გმირობანი), მისტერ კუკი(თ. ჩხეიძის "თოჯინების აჯანყება") და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.19-20; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.249

• 2001 - ღირსების ორდენი
• 1969 - საქართველოს დამსახურებული არტისტი