ფლორა შედანია

დაბადების ადგილი: სოფელი მერხეული, გულრიფშის რაიონი.

დაამთავრა მარჯანიშვილის თეატრალურთან არსებული დრამატული სტუდია 1939 წელს, რუსთაველის სახელობის თეატრალური ინსტიტუტის სამსახიობო ფაკულტეტი 1940 წელს.

იყო სოხუმის სახელმწიფო ქართული დრამატული თეატრის (კ. გამსახურდიას სახელობის) მსახიობი. წარმატებით ასრულებდა სხვადასხვა ხასიათის როლებს: ტატიანა (გორკის "მდაბიონი"), ხასინტა (ლოპე დე ვეგას "ცხვრის წყარო"), ვარდო ("სურამის ციხე", ჭონქაძის მიხედვით), ვიოლა (შექსპირის "მეთორმეტე ღამე"), გაიანე (სუმბათაშვილ-იუჟინის "ღალატი"), ლუიზა (შილერის "ვერაგობა და სიყვარული"), მარტინა (მოლიერის "ძალად ექიმი"), ბორდოხანი ("დიდოსტატის მარჯვენა" გამსახურდიას მიხედვით), დამლაგებელი (ჩხაიძის "მიღების დღე") და სხვა. ცნობილი ქართველი რეჟისორისა და მსახიობის მიხეილ ჩუბინიძის მეუღლე.

წყარო: ქართული საბჭოთა ენციკლოპედია: ტ.10-თბ., 1986.-გვ.699; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.137

• 1998 - ღირსების ორდენი
  ქართული თეატრალური ხელოვნების განვითარების, მისი პოპულარიზაციის საქმეში შეტანილი დიდი წვლილისა და ნაყოფიერი შემოქმედებითი მოღვაწეობისათვის
• 1976 - საქართველოს სახალხო არტისტი
• აფხაზეთის სახალხო არტისტი