ალექსანდრე მამულაშვილი

დაბადების ადგილი: ქ. თბილისი.

დაამთავრა ამიერკავკასიის გორის პედაგოგიური სემინარია 1917 წელს; 1918-1919წწ. სწავლობდა თბილისის პედაგოგიურ ინსტიტუტში; 1928-1930წწ. - კინემატოგრაფიის საკავშირო ტექნიკუმში.

1930 წელს მუშაობა დაიწყო კინორეჟისორად მოსკოვის "მეჟრაბპრომფილმის" კინოფაბრიკაში; 1932-1934წწ. მუშაობდა მოსკოვის კინო-ფოტო მრეწველობის მთავარ სამმართველოში კონსულტანტად; 1935-1936წწ. იყო თბილისის სახკინმრეწვის სასცენარო განყოფილების გამგე; 1937-1939წწ. თბილისის კინოსტუდიაში ქრონიკის საქტორის გამგედ დაინიშნა. გადაღებული აქვს ფილმები: "შალვა დადიანი" (1937), "რა გააკეთე შენ სამშობლოს გამარჯვებისათვის" (1943), "ახალგაზრდობის აღლუმი" (1944), "პატრიოტული მოვალეობა" (1944), "აკაკი წერეთელი" (1959), "იაკობ გოგებაშვილი" (1960), "ოთხმოცდაათი წელი ლენინის დაბადებიდან" (1960), "ვასილ ამაშუკელი" (1971) და სხვა. კინორეჟისორი.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.47; საიუბილეო თარიღები : თეატრი, მუსიკა, კინო.- თბ., 2008.- გვ.60; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.499-500

• 1962 - საქართველოს ხელოვნების დამსახურებული მოღვაწე