ანტონინა სმირნოვა

დაბადების ადგილი: ქ. სარატოვი, რუსეთი.

სასცენო მოღვაწეობა დაიწყო 1910 წელს სარატოვის სახალხო სახლში. სხვადასხვა წლებში მუშაობდა დვინსკის, ვიტებსკის, სტავროპოლის, ასტრახანის, რიბინსკის, ბაქოსა და ვლადიკავკაზის თეატრებში. 1933 წლიდან თბილისის ა. გრიბოედოვის სახელობის დრამატული თეატრის მსახიობია. მის მიერ შესრულებული როლებიდან აღსანიშნავია: კორშუნოვა(ვ. დარასელის "კიკვიძე"), ფეოდოსია, კვაშნია, აკულინა(მ. გორკის "უკანასკნელნი", "ფსკერზე", "მდაბიონი"), ტანიას დედა(ვ. კატაევის "ყვავილების გზა"), კულაკი ქალი(ნ. პოგოდინის "არისტოკრატები"), ნასტია(ვ. კირშონის "არაჩვეულებრივი შენადნობი"), კუკუშკინა(ა. ოსტროვსკის "შემოსავლიანი ადგილი"), არინა ივანოვნა(ს. ნაიდენოვის "ვანიუშინის ოჯახი"), მარგარიტა(ო. ბალზაკის "დედინაცვალი"), კნიაგინია მიაგკაია(ლ. ტოლსტოის "ანნა კარენინა) და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.21

• 1946 - საქართველოს დამსახურებული არტისტი