იამზე ტყავაძე

დაბადების ადგილი: ქ. თბილისი.

1947-1951 წლებში სწავლობდა შოთა რუსთაველის სახელობის თეატრალური ინსტიტუტის სამსახიობო ფაკულტეტზე.

1951-1963 წლებში იყო შოთა რუსთაველის სახელობის სახელმწიფო აკადემიური თეატრის, ხოლო 1963 წლიდან მოზარდ მაყურებელთა ქართული თეატრის მსახიობი. მის მიერ შესრულებული როლებიდან აღსანიშნავია: ლაზარილიო(ე. დიუმანუას და ა. დენერის "დონ სეზარ დე ბაზანი"), დუნიაშა(ნ. გოგოლის "ქორწინება"), ასკანიო(ჯ. ფლეტჩერის "ესპანელი მღვდელი"), დაფინო(ლ. ქიაჩელის "ტარიელ გოლუა"), მაიკა(პ. კოჰუოტის "როცა ასეთი სიყვარულია"), დეიანირა(კ. გოლდონის "სასტუმროს დიასახლისი"), ოლივია(უ. შექსპირის "მეთორმეტე ღამე"), კონა(ე. გაბაშვილის "კონა"), ნებიერი ხანუმი(გ. ნახუცრიშვილის "შაითან ხიხო"), პეტია(ვ. კატაევის "თეთრად ფრიალებს აფრა ეული"), ლივია(ბ. ბრეხტის "გალილეო გალილეი"), ბობა(ნ. პოგოდინის "ნუ გეჩქარებათ სიცილი"), მანიჟე(ქ. ქუჩუკაშვილის "კონკია") და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.21;

http://dspace.nplg.gov.ge/handle/1234/76094?locale=ka

• 1969 - საქართველოს დამსახურებული არტისტი