ივანე ჩხენკელი

დაბადების ადგილი: ქ. თბილისი.

დაამთავრა თბილისის ფიზიკო-მათემატიკური ფაკულტეტი აგრონომიის განხრით 1921 წელს.

1939 წელს საქართველოს სასოფლო-სამეურნეო ინსტიტუტში ჩამოაყალიბა სასოფლო-სამეურნეო მელიორაციის კათედრა, რომელსაც 1972 წლამდე განაგებდა. მისი ხელმძღვანელობით დამუშავდა საქართველოში სასოფლო-სამეურნეო კულტურების რწყვის რეჟიმი, რომელიც საფუძვლად დაედო სარწყავი სისტემების დაპროექტება-მშენებლობას. ქართულ ენაზე პირველმა შეადგინა სასოფლო-სამეურნეო ინსტიტუტის სტუდენტთათვის ორიგინალური სახელმძღვანელო "სასოფლო-სამეურნეო მელიორაცია". აგრონომი, სოფლის მეურნეობის მეცნიერებათა დოქტორი(1947), პროფესორი(1948).

წყარო: ქართული საბჭოთა ენციკლოპედია: ტ. 11.-თბ., 1987.-გვ.176

• 1961 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• სასოფლო-სამეურნეო მელიორაცია : სახელმძღვ. სას.-სამ. ინ-ტის სტუდენტებისათვის (ავტორი). - თბილისი, განათლება, 1970. - 177გვ.