ლევან ბალისევიჩი

დაბადების ადგილი: ქ. თბილისი.

1938 წელს დაამთავრა თბილისის მე-2 რკინიგზის შრომის სკოლა, შემდეგ სწავლა განაგრძო შოთა რუსთაველის სახელობის თეატრალური ინსტიტუტის სამსახიობო ფაკულტეტზე.

1942-1943 წლებში იყო კოტე მარჯანიშვილის სახელობის თეატრის მსახიობი. 1943-1961 წლებში იყო საქართველოს ხალხური სიმღერისა და ცეკვის სახელმწიფო ანსამბლის სოლისტ-მოცეკვავე, 1943-1947 წლებში მუშაობდა ქართული ცეკვის მასწავლებლად თბილისის მაუდ-კამვოლის ფაბრიკაში, თბილისის მსუბუქი მრეწველობის ტექნიკუმში, ბავშვთა კოლონიაში, აბაშის სიმღერისა და ცეკვის ანსამბლში. ლევან ბალისევიჩი ასრულებდა შემდეგ სოლო-ცეკვებს: "ნეტავი გოგო მე და შენ", "ოსური დუეტი", სვანური ცეკვა "შეირადა", სოლო ნომერი "ხორუმში" და სხვ. 1985 წელს იყო მსუბუქი მრეწველობის კულტურის სახლთან არსებული ანსამბლ "ბერმუხას" მომღერალი.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.22

• 1961 - საქართველოს დამსახურებული არტისტი