გრიგოლ შენგელია

დაბადების ადგილი: სოფელი ჭოღა, ჩხოროწყუს რაიონი. 

დაამთავრა თბილისის სახელმწიფო უნივერსიტეტის ენისა და ლიტერატურის განყოფილება 1930 წელს.

მუშაობდა თიანეთის რაიონის სიმონიანთხევის სკოლის დირექტორად (1931-1932), მანგლისის პედაგოგიური ტექნიკუმის დირექტორად (1932-1936), ქართული ენისა და ლიტერატურის მასწავლებლად თბილისის სკოლებში, თბილისის სახელმწიფო უნივერსიტეტის რუსთაველის სახელობის ენისა და ლიტერატურის ინსტიტუტის მეცნიერ-თანამშრომლად (1936). აქვს ნაშრომები ქართული ენისა და ლიტერატურის სწავლების მეთოდიკასა და ლიტერატურის თეორიაში, აღსანიშნავია "ქართული ენის მეთოდიკა" (1939; თანაავტორი გ. გაბედავა) და "ლიტერატურის თეორია" (1941, თანაავტორი პ. ხუბუტია). მეთოდისტი.

წყარო: ქართული საბჭოთა ენციკლოპედია: ტ.10-თბ., 1986.-გვ.716

• ლიტერატურის თეორია : დამხმარე სახელმძღვანელო საშ. სკოლის მასწავლებელთათვის (თანაავტორი). - თბილისი, 1941. - 98გვ.
• ქართული ენის მეთოდიკა : პედსასწავლებლის მოწაფეთა და დაწყებითი სკოლის მასწავლებლებისათვის (თანაავტორი). - თბილისი, სახელგამი, 1939. - 95გვ.