ირაკლი შერაზადიშვილი

დაბადების ადგილი: ქ. ონი.

დაამთავრა რუსთაველის სახალხო თეატრთან არსებული სტუდია 1933 წელს.

1938 წლიდან მუშაობდა სოხუმის, გორის, თელავის და ველისციხის თეატრებში. 1949 წლიდან გარდაცვალებამდე კი ცხინვალის ქართული თეატრის წამყვანი მსახიობი და რეჟისორი იყო. მან 250-ზე მეტი სახე შექმნა სცენაზე. გოჩა (ყაზბეგის "ხევისბერი გოჩა"), ბახა (ვაჟა-ფშაველას "მოკვეთილი"), ლევან ჩადუნელი (მოსაშვილის "სადგურის უფროსი"), კომბლე (ნახუცრიშვილის "კომბლე"), ჟამთაბერი (ჯაფარიძის "ჟამთაბერის ასული"), ლევანი (ერისთვის "სამშობლო"), თინიბეგი (მრევლიშვილის "ზვავი"), ოთარ-ბეგი და ანანია (სუმბათაშვილ-იუჟინის "ღალატი") და სხვა. როგორც რეჟისორმა, 40-მდე პიესა დადგა:  "ხევისბერი გოჩა" (ყაზბეგის მიხედვით), ვაჟა-ფშაველას "მოკვეთილი", შატბერაშვილის "ფიქრის გორა", ბუაჩიძის "მკაცრი ქალიშვილები" და სხვა. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.718

• 1961 - საქართველოს სახალხო არტისტი
• საპატიო ნიშნის ორდენი