ელენე დონელი

დაბადების ადგილი: სოფელი მეტეხი, გორის მაზრა.

1926 წელს თბილისის რკინიგზის მე-4 ცხრაწლიანი შრომის სკოლის დამთავრების შემდეგ სწავლობდა რუსთაველის თეატრთან არსებულ ექსპერიმენტულ სტუდია-სახელოსნოში.

1928-1948წწ. იყო რუსთაველის თეატრის მსახიობი, სადაც განასახიერა შემდეგი როლები: ზაირა (ს. შანშიაშვილის "ანზორი"), ლამარა, ლაგაზი (გრ. რობაქიძის "ლამარა"), ლაჰილი (ს. შანშიაშვილის "ანზორი"), ფატი (შ. დადიანის "ნაპერწკლიდან"), კორინკინა (ა. ოსტროვსკის "უდანაშაულო დამნაშავენი"), მარინა (ლ. სლავინის "ინტერვენცია"), დედა (გ. მდივნის "ალკაზარი"), კატო (ს. მთვარაძის "შლეგი"), ქეთევან ორბელიანი (ს. შანშიაშვილის "კრწანისის გმირები") და სხვ.; ჯანმრთელობის გაუარესების გამო დატოვა რუსთაველის თეატრი, მაგრამ არც ამის შემდეგ გაუწყვეტია კავშირი ხელოვნებასთან, სარეწაო კოოპერაციის კულტურის ცენტრალურ სახლში რეჟისორ-პედაგოგად დაიწყო მუშაობა. აქ განახორციელა შემდეგი სპექტაკლები: გ. ჭიჭინაძის "ამერიკული სკოლა", თ. ფერაძის "ვინ მოტყუვდა", თ. ჩხაიძის "საახალწლო მაყრიონი" და სხვა.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.66; საიუბილეო თარიღები: თეატრი, მუსიკა, კინო.- თბ., 2008.- გვ.90

• 1960 - საქართველოს დამსახურებული არტისტი