გურგენ ანთაძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1952 წელს.

წლების განმავლობაში მუშაობდა სხვადასხვა საპასუხისმგებლო თანამდებობაზე: ქ. მოსკოვში N12 სამშენებლო ტრესტ "ლეგპრომსტროის" სპეციალური სამშენებლო სამმართველოს სამუშაოთა მწარმოებლად, უბნის უფროსად, მთავარი ინჟინრის მოადგილედ; ფოთის სამშენებლო-სარემონტო სამმართველოს მთავარ ინჟინრად, ჩაისა და სუბტროპიკული კულტურების ანასეულის საკავშირო კვლევითი ინსტიტუტის ფოთის ფილიალის მთავარ ინჟინრად მშენებლობის დარგში; 1975-1989წწ. იყო სამშენებლო ტრესტ "კოლხეთმშენის" მმართველის მოადგილე; 1989-1993წწ. მუშაობდა საქართველოს წყალთა მეურნეობის და მელიორაციის სამინისტროში მთავარ სპეციალისტად; იყო მეორე მსოფლიო ომის მონაწილე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.51

• საქართველოს დამსახურებული ინჟინერი
• სამამულო ომის II ხარისხის ორდენი