თინათინ ანთაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1942 წელს.

1942-1946წწ. მუშაობდა საქართველოს სამრეწველო ბანკში საკრედიტო ინსპექტორად; 1946-1957წწ. საქართველოს მშენებლობის სამინისტროს სამშენებლო ტრესტ "ამიერკავკასმეტალურგმშენში" სახელშეკრულებო და სახარჯთაღრიცხვო განყოფილების უფროსად; 1957-1974წწ. საქართველოს მშენებლობის სამინისტროს საგეგმო-ეკონომიკური სამმართველოს უფროსად; 1974-1992წწ. საქართველოს სახელმწიფო საგეგმო კომიტეტში კაპიტალური დაბანდებების სამმართველოს უფროსად; 1992-1994წწ. იყო საქართველოს ეკონომიკის სამინისტროს რესტრუქტურიზაციისა და ინვესტიციების სამმართველოს სახელმწიფო საინვესტიციო პროგრამებისა და უცხოური ინვესტიციების მთავარი კონსულტანტი; იყო აქტიური მონაწილე ქ. რუსთავის კომპლექსური განაშენიანების; დიდი ღვაწლი მიუძღვის საქართველოს სამშენებლო ინდუსტრიისა და სახალხო მეურნეობის დარგების კაპიტალდაბანდებებით უზრუნველყოფის საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.51