ალექსანდრე შმელიოვი

დაბადების ადგილი: ქ. თბილისი.

დაამთავრა თბილისის მე-5 რკინიგზის სკოლა 1930 წელს. შემდეგ სწავლა განაგრძო თბილისის ტრანსპორტის ტექნიკუმში. 1934-1938 წლებში სწავლობდა თბილისის ალ. გრიბოედოვის სახელობის თეატრთან არსებულ სტუდიაში.

1941-1945 წლებში მუშაობდა წითელი არმიის ცეკვისა და სიმღერის სხვადასხვა ანსაბლებში მსახიობად. 1945 წლიდან ალ. გრიბოედოვის სახელობის თეატრის მსახიობია. მის მიერ შესრულებული როლებიდან აღსანიშნავია: მაქსიმოვი(ბ. ლარიონოვის "მეზღვაურები"), ორლოვი(რ. სეროვის "შორს სტალინგრადიდან"), ტიტი-ნანე(კ. გოლდონის "მეთევზეები"), მილოვიდოვი(ა. ოსტროვსკის "შემოსავლიანი ადგილი"), პოლიცმეისტერი(ნ. გოგოლის "რევიზორი"), მარკოვი, არკადი, ბურმანი("ერთი სიყვარულის ისტორია", "ყმაწვილი ჩვენი ქალაქიდან"), ნილი(გორკის "მდაბიონი") და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1994.- გვ.18

• 1954 - საქართველოს დამსახურებული არტისტი