ვლადიმერ არჩაია

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1964 წელს.

1961 წელს შრომითი საქმიანობა დაიწყო საპროექტო ინსტიტუტ "საქქალაქმშენსახპროექტის" ტექნიკოსად; სხვადასხვა დროს მუშაობდა თბილისის ზონალურ სამეცნიერო კვლევით, ტიპური და ექსპერიმენტული პროექტირების ინსტიტუტში ინჟინრად, უფროს ინჟინრად, ჯგუფის ხელმძღვანელად; 1974 წელს იყო ტრესტ "მშენინდუსტრიის" თბილისის ტექნოლოგიური ბიუროს სექტორის გამგე; 1975 წელს საქართველოს სასოფლო მშენებლობის სამინისტროს N5 სამშენებლო ტრესტის N12 მოძრავ-მექანიზებული კოლონის მთავარი ინჟინერი; 1983-1990წწ. N10 სამშენებლო ტრესტის N6 სპეციალიზებული და N5 ტრესტის N50 მოძრავ-მექანიზებული კოლონის უფროსი, სამშენებლო-სამრეწველო კომბინატის დირექტორი და სამშენებლო გაერთიანება "საქწყალმშენის" სამშენებლო ტრესტ "კოლხეთმშენის" ქობულეთის სამშენებლო სამმართველოს უფროსი; 1990-1993წწ. მუშაობდა საკავშირო დაქვემდებარების სამშენებლო გაერთიანება "ინტურისტმშენის" ფოთის სამშენებლო-სარემონტო სამმართველოს უფროსად; 1993-1995წწ. შპს სამშენებლო ფირმა "ავე"-ს დირექტორად; 1995-1996წწ. ფოთის სამშენებლო-სამრეწველო კომპლექს "ფაზისის" გენერალურ დირექტორად; 1996-1998წწ. იყო ფოთის ურბანიზაციისა და მშენებლობის დეპარტამენტის თავმჯდომარის პირველი მოადგილე, ხოლო 1999 წლიდან ამავე დეპარტამენტის თავმჯდომარე და ქალაქის მთავარი არქიტექტორი; არის მრავალი პროექტის კონსტრუქტორი და ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.58