იოსებ ქილარჯიშვილი

დაბადების ადგილი: ქ. ბათუმი.

1938 წელს დაამთავრა ბათუმის მე-4 საშუალო სკოლა. 1937-1941 წლებში სწავლობდა ბათუმის მუსიკალურ სასწავლებელში, ხოლო1946-1951 წლებში თბილისის ვანო სარაჯიშვილის სახელობის სახელმწიფო კონსერვატორიაში ჰობოის კლასში.

1938-1941 წლებში მუშაობდა ბათუმის სახელმწიფო დრამატული თეატრის ორკესტრში. 1946 წლიდან იყო საქართველოს ფილარმონიის სახელმწიფო სიმფონიური ორკესტრის სოლისტი. 1966 წლიდან პედაგოგიურ მოღვაწეობას ეწეოდა თბილისის ვანო სარაჯიშვილის სახელობის სახელმწიფო კონსერვატორიაში. იოსებ ქილარჯიშვილი უკრავდა ანსამბლ "ნონეტში", სიმფონიურ ორკესტრთან ერთად მოგზაურობდა საბჭოთა კავშირის ქალაქებში, აგრეთვე საზღვარგარეთაც(პოლონეთი-1974, 1986). მისი აღზრდილები მონაწილეობდნენ საქალაქო, რესპუბლიკურ და ამიერკავკასიის კონკურსებში. იოსებ ქილარჯიშვილმა ჰობოისათვის დაამუშავა 30-მდე სხვადასხვა ინსტრუმენტული ნაწარმოები.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.30

• 1961 - საქართველოს დამსახურებული არტისტი