ნინო ქაჯაია

დაბადების ადგილი: ქ. სოხუმი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1940 წელს.

სხვადასხვა წლებში მუშაობდა ქუთაისის (1940-1942 და 1943-1952), ზესტაფონის (1942-1943) სახელმწიფო თეატრებში; 1952 წლიდან იყო ქუთაისის თოჯინების თეატრის მსახიობი. სხვადასხვა თეატრებში შესრულებული აქვს 300-მე როლი. მათ შორის: ტურფა (ა. წერეთლის "პატარა კახი"), რუსი (ვ. შალიკაშვილის "უნიადაგონი"), რუსუდანი (ი. მოსაშვილის "ჩაძირული ქვები"), მარიკა (შ. დადიანის "ნინოშვილის გურია"), ვალია (ა. ბელიაშვილის "თეთრი ფინია"), მაგდანა (ი. გოგებაშვილის "იავნანამ რა ჰქმნა"), ბორიას დედა (ე. გუბარევის "დიდი ჯადოსანი"), დოლჩე (ჰ. მარლოს "უსახლკარო"), კურდღელი (რ. ჩაჩანიძის "პატარა მუსიკოსი"), მელია (ვ. შვემბერგის "ნანა ტყეში"), ექიმი ხატაურა (ს. ჭეიშვილის "დაიყივლე, მამალო"), ირემი (კ. მაჭარაძის "დათუნიას სამართალი"), ქუცქუცა (ნ. კემულარიას "მოხერხებული ყასია"), ვეფხვი (გ. კლდიაშვილის "ცახუნდარელი") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.94

• 1976 - საქართველოს დამსახურებული არტისტი