იოსებ ბაკურაძე

დაბადების ადგილი: ქ. თბილისი.

1958 წლიდან, 42-ე საშუალო სკოლის დამთავრების შემდეგ მუშაობდა შოთა რუსთაველის სახელობის სახელმწიფო აკადემიურ თეატრში სცენის მუშად. 1963-1967 წლებში სწავლობდა შოთა რუსთაველის სახელობის თეატრალურ ინსტიტუტში სამსახიობო ფაკულტეტზე. 1967-1976 წლებში იყო მესხეთის სახელმწიფო დრამატული თეატრის მსახიობი.  1976-1986 წლებში მეტეხის თეატრის მსახიობი და დირექტორ-განმკარგველი, 1986 წლიდან მუშაობდა კოტე მარჯანიშვილის სახელობის სახელმწიფო აკადემიური თეატრის დირექტორის მოადგილედ. მის მიერ განსახიერებული როლებიდან აღსანიშნავია: თედორე, მეფე დავითი (ო. ჩხეიძის "თედორე", "გიორგი"), ტიტე ნატუტარი (პ. კაკაბაძის "ყვარყვარე თუთაბერი"), ქურდი (მ.მიტროვიჩის "გაძარცვა შუაღამისას"), ჯანიკო ქვარიანი (ა. ჩხეიძის "როცა ქალაქს ძინავს"), გიჟუა (ა. ცაგარელის "რაც გინახავს, ვეღარ ნახავ"), იაზონი (ლ. სანიკიძის "მედეა"), პოლკოვნიკი (შ. ბათიაშვილის "უძილო ღამეები"), კომბლე (გ. ნახუცრიშვილის "კომბლე"), არსაყალი (მ. კარიზის "მთვარის დაბნელების ღამეები"), პოლკოვნიკი (ი. ჩაპეკის "შვეიკი"), ჟან-ჟაკ რუსო (თ. მეტრეველის "შეხვედრები ძველ ფურნეში"), ანზორ სირბილაძე (ი. ბრაგინსკის და ე. რიაზანოვის "სიყვარული და სტატისტიკა"), ავთანდილი (ო. იოსელიანის "მოჯადოებული მწვერვალი"), ნოდარი (თ. ჭილაძის "დავიწყებული ამბავი") და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.33; საქართველოს კულტურის, სპორტისა და ახალგაზრდობის სამინისტროს ფეისბუქ გვერდი: facebook.com; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.272

• 1999 - ღირსების ორდენი
  ქართული კულტურის განვითარებაში, მის პოპულარიზაციაში შეტანილი პირადი წვლილისათვის, მაღალი პროფესიონალიზმისა და ნაყოფიერი შემოქმედებითი, პედაგოგიური და საზოგადოებრივი მოღვაწეობისათვის
• 1976 - საქართველოს დამსახურებული არტისტი