გიორგი აკოლაშვილი

დაბადების ადგილი: სოფელი ველისციხე, გურჯაანის რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1957 წელს(საგუნდო-სადირიჟორო).

1946-1947წწ. მღეროდა ფირუზ მახათელაშვილის ხელმძღვანელობით არსებულ თელავის სიმღერისა და ცეკვის რაიონულ ანსამბლში; ამავე წლებში მან საჯარო კონცერტზე უხელმძღვანელა თელავის პედინსტიტუტის მომღერალთა გუნდს, რამაც განაპირობა მისი შემდგომი მუსიკალური მოღვაწეობა; 1948 წელს სწავლა დაიწყო თბილისის ცენტრალურ მუსიკალურ სკოლა-ინტერნატში ჯერ ვოკალურ განყოფილებაზე(პედაგოგი სანდრო ინაშვილი), ხოლო შემდეგ საგუნდო-სადირიჟორო განყოფილებაზე(პედაგოგი გიორგი ხახანაშვილი); 1949-1955წწ. სწავლის პარალელურად მუშაობდა მსახიობ-მომღერლად სახელმწიფო კაპელაში; რკინიგზის მეათე საშუალო სკოლაში ხელმძღვანელობდა გუნდს; ასევე განაგრძობდა სხვადასხვა სასკოლო გუნდებში მუშაობას, რის შედეგადაც 43-ე საშუალო სკოლის გუნდმა და სიმფონიურმა ორკესტრმა ოპერის თეატრში გამართულ რესპუბლიკურ ფესტივალზე პირველობა მოიპოვა; 1955 წლიდან მუშაობდა დირიჟორობის პედაგოგად კულტსაგანმანათლებლო სასწავლებელში; ხელმძღვანელობდა მცხეთის რაიონის სიმღერისა და ცეკვის ანსამბლს, რომელიც დიდი წარმატებით გამოვიდა მეცხრე რესპუბლიკურ ოლიმპიადაზე და სპორტის სასახლეში საბჭოთა საქართველოს 40 წლის აღსანიშნავ ზეიმზეც გამოიყვანეს; 1965 წელს სიმღერის დღესასწაულზე წარმატებით უხელმძღვანელა თბილისის კიროვის რაიონის მომღერალთა ნაკრებ გუნდს.

წყარო: ხალხური სიმღერის მოამაგენი.-თბ., 2007.-გვ. 42