პეტრე ცისკარიშვილი

დაბადების ადგილი: სოფელი ზემო ალვანი, ახლანდელი ახმეტის რაიონი. 

დაამთავრა საქართველოს ინდუსტრიული (ახლანდელი პოლიტექნიკური) ინსტიტუტი 1930 წელს.

მუშაობა დაიწყო საქართველოს სსრ მეცნიერებათა აკადემიის პ. მელიქიშვილის სახელობის ფიზიკისა და ორგანული ქიმიის ინსტიტუტში. 1932-1949 წლებში იყო ამავე ინსტიტუტის ნახშირების ქიმიური ლაბორატორიის გამგე, შემდეგ კი 1949-1976 წლებში მაღალმოლეკულურ ნაერთთა ლაბორატორიის გამგე. მისი ძირითადი შრომები ეხება მაღალმოლეკულურ ნაერთთა ქიმიას. მან აღმოაჩინა ნახშირების პლასტიფიკაცია და პირველმა დეტალურად შეისწავლა საქართველოს ნახშირების ქიმიური ბუნება, შეიმუშავა ნახშირების თერმოპლასტიფიკაციის მეთოდი. ტექნიკურ მეცნიერებათა დოქტორი(1970), პროფესორი (1972). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.225; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.670

• 1982 - საქართველოს მეცნიერებათა დამსახურებული მოღვაწე
• ლენინის ორდენი