ვლადიმერ ცოცხაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1950 წელს.

მუშაობდა იქვე სხვადასხვა თანამდებობაზე. 1954-1960 წლებში იყო ამ ინსტიტუტის მანქანათბშენებლობის ტექნოლოგიის კათედრის დოცენტი, 1963-1966 წლებში ბომბეის (ინდოეთი) ტექნოლოგიის ინსტიტუტის პროფესორი, 1970-1975 წლებში გაერთიანებული ერების ორგანიზაციის პროექტის დირექტორი ინდოეთში და ამავე ორგანიზაციის მთავარი ტექნოლოგიური მრჩეველი ინდოეთის განათლების სამინისტროში. 1980 წლიდან საქართველოს პოლიტექნიკური ინსტიტუტის მანქანათმშენებლობის კათედრის გამგეა. მისი შრომები ეხება წინასწარ გახურებული ლითონების ჭრის დამუშავების თეორიასა და ამ თეორიის საფუძველზე სპესიალური ლითონსაჭრელი ჩარხების შექმნას. მანქანათმშენებელი, ტექნიკურ მეცნიერებათა დოქტორი (1972), პროფესორი (1972). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.242; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.108

• სკკპ , წევრი (1952-)

• 1998 - ღირსების ორდენი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის
• 1984 - საქართველოს მეცნიერებათა დამსახურებული მოღვაწე