შოთა ბაზღაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1950 წელს.

წლების განმავლობაში (43 წელი), იმუშავა საქართველოს მშენებლობის სამინისტროს სამშენებლო გაერთიანება "მთავართბილმშენში": სამუშაოთა მწარმოებლად, უფროს სამუშაოთა მწარმოებლად; 1953-1966წწ. უბნის უფროსად;  1966-1993წწ. რკინაბეტონის ნაკეთობათა ქარხნის დირექტორად, კომპლექტაციის სამმართველოს უფროსად და მიწისძვრისგან დაზარალებული ქალაქებისა და სოფლების აღსადგენად შექმნილი ტრესტის "საქსომხეთმშენის" მმართველის მოადგილედ; ხელმძღვანელობდა 340-მდე ობიექტს, ძირითადად, მრავალსართულიანი საცხოვრებელი სახლების, განათლების, კულტურისა და ხელოვნების, აგრეთვე, სტრადეგიული დანიშნულების ობიექტების მშენებლობას. კერძოდ: პროფკავშირების კულტურის სასახლის კომპლექსის, სასტუმროების "საქართველო" და "ივერია", ტურბაზისა და საცურაო აუზის (ვაკეში), ასევე, "ლაგუნა-ვერეს" (სანაპიროზე), კინოთეატრების, სკოლების, ტექნიკის სახლისა და შრომის სასახლის (ვაკეში); 60 საცხოვრებელი სახლის მიწისძვრით დაზარალებულ რაიონებში - სომხეთსა და საქართველოში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.66